🏺"JUNG-E-BADR KA TAFSEELI BAYAN"
JUNG-E-BADR
✨"BADR" Madina Sharif se Takreeban 80 Meel ke Fasle par Ek Gau(Village) Ka Naam Hai Jaha Zamana-Jahiliyat Me Salana Mela Lagta Tha Yaha Ek Kuwa Bhi tha Jiske Malik ka naam Badr tha....
☄Isi Ke naam par Is Jagah ka Naam Badr Rakh Diya Gaya Isi Maqam Par Junge Badr ka Wo Azeem Muarik Hua Jisme Kuffare Quraish Aur Musalmano ke Darmiyan Sakht Khoon Ranj Ladai Hui Aur Musalmano ko Ek Azeem-Us-shan Fateh Mubeen Naseeb Hui Ki Jiske Bad Islaam Ki Izzat-o-Iqbal Ka Parcham Itna Buland ho Gaya ki Kuffare Quraish Ki Azmat Wa Shouqat Bilkul Khaak Me mil Gai...
☄Allah Taa'la Ne Junge Badr Ke Din ka Naam *"YOUM-UL-FURQAN"* Rakha Aur Quran ki Sureh Anfal Me Tafseel ke Sath Aur Dusri Surto me Ijmalan Bar-Bar Is Jung Ka Zikr Farmaya Aur Is Jung Me Musalmano Ki Fateh Mubeen Ke Bare me Ehsan Jatate hue Allah Taa'la Ne Quran Majeed me Irshad Farmaya ki...
⤵Tarjuma:-
✨Aur Yaqeenan Khuda Taa'la Ne Tum logo Ki Madad Farmai Badr me Jabki Tum log Kamzor Be-Sara Saman The To tum log Allah se Darte Raho Taki Tum log Shukr Guzar ho Jao...
📓(Al-Quran)
⚱JUNG-E-BADR KA SABAB......
☄Junge Badr ka Asli Sabab "AMAR BINUL HAJRAMI" Ke Qatl se Kuffare Quraish Me Fela Hua Zabardast Ishteal Tha Jisse Har Kafir Ki Zaban Par ek Hi Bat thi Ki *"KHOON KA BADLA KHOON"* Lekar Rahenge...
✨Magar Bulkul Naghani Ye Surat Pesh Aa gai Ki Quraish Ka Wo Qafila Jiski Talash me Huzur ﷺ Maqame Bil Ushera Tak Tashrif Le Gae Magar wo Qafla Hath Nahi Aya tha Bilkul Achanak Madine me Khabar mili Ki Ab Wahi Qafila Mulke Shaam se Lotkar Makkah Jane wala hai Aur ye bhi Pata Chala ki Is Qafle me Abu Sufiyan Bin Harab Wa Makhrama Bin Noufal Wa Amar Binul Aas Wagera Total 30 Ya 40 Aadmi hai....
☄Aur Kuffare Quraish Ka Maale Tijarat Jo Is Qafle me Hai Wo Bahut Zyada hai Huzur ﷺ Ne Apne Ashab Se Farmaya Ki Quraish Ki Toliya Loot-Maar ki Niyyat se Madine Ke Atraaf me Barabar Gasht Lagati Rehti hai Aur Qurz Bin Zakir Fuhri Madine Ki Charagah Tak Aakar Garat-Gari Aur Daka-Zani Kar gaya hai Lihaza Kyo na Hum bhi Kuffare Quraish Ke Is Qafle Par Humla Karke Isko Loot le Taki Kuffare Quraish Ki Shami Tijarat Band ho Jae...
✨Aur Wo Majbur Hokar Humse Sulah Kar le Huzur ﷺ Ka ye Irshad Girami Sunkar Ansar Wa Muhajeerin Iske liye Taiyar ho gae....
⚱JUNG-E-BADR AUR MADINA SE RAWANGI....*
☄Chunache 12 Ramzan 2 hijri Ko Badi Azlat ke Sath log Chal Pade Jo Jis Haal me Usi Haal me Rawana Ho gaya Is Lashkar me Huzur ﷺ Ke Sath Na Zyada Hathiyar the Na Fouzi Na Rashan ki Koi Badi Miqdar thi Kyonki Kisi ko Guman bhi na Tha ki is Safar me Ek Bhot Badi Jung hogi...
✨Magar Jab Makkah Me ye Khabar Feli ki Musalman Musallah hokar Quraish Ka Qafla Lootne Ke liye Madine Se Chal Pade hai To Makkah Me Ek Josh Fail Gaya Aur Ekdum Kuffare Quraish Ki Fouz Ka Dal Badal Musalmano Par Hamla Karne ke Liye Taiyyar ho Gaya...
☄Jab Huzur ﷺ Ko Is Bat ka Pata chala to Apne Sahaba Kiram ko Jama Karke Farmakar Surate Haal se Aagah Kiya Aur Saaf-Saaf Farma Diya ki Mumkin hai Ki Is Safar me Kuffare Quraish ke Qafle se Mulaqat ho Jae Aur Ye bhi ho Sakta hai ki Kuffare Quraish Makkah ke Lashkar se Jung ki Nobat aa jae..
✨Irshad e Girami Sunkar Hazrate Abu Bakr Siddiq رضي الله تعالي عنه Wa Hazrate Umar Farook Aur Dusre Muhajeerin Ne Bade Josh Wa Kharosh Ka Izhar kiya Magar Huzur ﷺ Ansar Ka Munh Dekh Rahe the Kyonki Ansar ne Apke Daste Mubarak Par Bait Karte Waqt ye Ahad kiya tha ki wo Us Waqt Talwar Uthaenge Jab Kuffar Madina Par Chad Jaenge Aur Yaha Madina Se Bahar Nikalkar Jung Karne ka Mamala Tha....
☄Ansar me Se Qabeela-E-Khajraj Ke Sardar Hazrat Saa'ad Bin Ubada رضي الله تعالي عنه Huzur ﷺ Ka Chehra E Anwar Dekhkar Bol Uthe Ke Ya Rasooallah ﷺ Kya Apka Ishara Humari Taraf hai ???
Khuda ki Kasam Hum wo Jaanisar Hai Ki Agar Aapka Huqm ho to Hum Samundar me Kood Pade...
✨Isi Trah Ansar ke Ek Aur Muazzaz Sardar Hazrate Muqdad Bin Aswad رضي الله تعالي عنه Ne Josh Bhare Andaz me Arz kiya Ya Rasooallah ﷺ Hum Hazrate Musa Aleyhissalam Ki Qoum Ki Trah ye Na Kahenge Ki Aap Aur Apka Khuda Jakar Lade Balki Hum wo log hai Jo Apke Dae-Bae Se Aage-Piche Se Ladenge...
☄Ansar ke In Dono Sardaro ki Takreer Sunkar Huzur ﷺ Ka Chehra Khushi Se Chamak Utha....
✨Madina se Ek Meel Door Chalkar Huzur ﷺ Ne Apne Lashkar ka Jaiza Liya Jo log Kum Umr the Unko Vapas Kar dene ka Huqm diya Kayonki Jung Ke Pur-Khatar Mouke par Bhala Baccho ka kya kaam ???
*⚱JUNG-E-BADR AUR NANHA SIPAHI....*
☄Madina se Ek Meel Door Chalkar Huzur ﷺ Ne Apne Lashkar ka Jaiza Liya Jo log Kum Umr the Unko Vapas Kar dene ka Huqm diya Kayonki Jung Ke Pur-Khatar Mouke par Bhala Baccho ka kya kaam ??
✨Magar Inhi Baccho me Hazrate Saa'ad Bin Abi Waqqas رضي الله تعالي عنه Ke Chote Bhai Hazrate Umair Bin Abi Waqqas Bhi the Jab Unse Vapas Hone ko Kaha gaya To wo Tadap Uthe Aur Zor-Zor se Rone Lage Aur Kisi bhi Trah Vapas Hone ko Taiyyar Na hue...
☄Unki Bekarari Aur Giryazari Dekhkar Rehmate Aalam Huzur ﷺ Ka Qalbe Nazuk Muttasir ho Gaya Aur Apne Unko Sath Chalne ki Izazat de di Chunache Hazrat Saa'ad Bin Abi waqqas رضي الله تعالي عنه Ne is Nanhe Sipahi Ke Gale me Bhi ek Talwar Hamail Kar di...
✨Madina se Rawana Hone Ke Waqt Namaz ke Liye Hazrate Umme Maqtum رضي الله تعالي عنه Ko Aapne Masjide Nabawi Sharif ka Imaam Muqarrar Farma Diya Lekin Jab Khatra Mehsus Farmaya Isliye Apne Abu Lababa Bin Abdul Munzir رضي الله تعالي عنه Ko Madina Ka Haqim Muqarrar Farmakar Unko Madina Vapas Jane ka Huqm diya Aur Hazrate Aasim Bin Adi رضي الله تعالي عنه Ko Madine Ke Chadai Wale Ganw Par Nigrani Rakhne ka Huqm diya.....
☄In Intizamat Ke Baad Huzur ﷺ "BADR" Ki Janib Chal Pade Jidhar se Kuffare Makkah ke Aane ki Khabar thi Ab Kull Fouz Ki Tadad "313" Thi Jinme 60 Hazarat Muhajir Aur Baki Ansar the Manzil-Ba-Manzil Safar Farmate Hue Jab Aap Muqame Safra Me Pahuche to Do Aadmiyo Ko Jasusi Ke Liye Rawana Farmaya Taki wo Qafle Ka pata Chalae Ki Wo Kidhar hai Aur kaha tak Pahucha....
*📕(ZURQANI, JILD- 1, SAFA-411)
⚱JUNG-E-BADR AUR ABU SUFIYAN KI CHALAKI...*
☄Udhar Kuffare Quraish Ke Jasus bhi Apna Kaam Bhot Mustadi Se kar rahe the Jab Huzur ﷺ Madina Se Rawana Hue To Abu Sufiyan Ko Iski Khabar Mil gai Usne Fouran *"ZAMZAM BIN AMAR GIFFARI"* Ko Makkah Bheja Ki Wo Quraishya ko Iski Khabar Deta Hai ki Wo Apne Qafle Ko Samundar ki Janib Lekar Rawana ho gaya..
✨Abu Sufiyan ka Qasid Zam-Zam Khabar Leker Rawana ho gaya Abu Sufiyan Ka Zamzam Bin Amar gaffari Jab Makkah Pahucha To Us Waqt Dastoor ke Mutabik Jab koi Khoufnaak Khabar Sunani Hoti To Khabar Sunane Wala Apne Kapde Faadkar Aur Ount Ki pith par Khada hokar Chilla-Chilla Kar Khabar sunaya karta....
☄Zamzam Bin Amar Gaffari Ne Apna Kurta Faad Diya Aur Ount Ki Pith par khada hokar Zor-Zor Se Chillane Laga ki
*🔮"AHLE MAKKAH TUMHARA SARA MAALE TIJARAT ABU SUFIYAN KE QAFILE ME HAI AUR MUSALMANO NE IS QAFILE KA RASTA ROK KAR QAFILA LOOT LENE KA AZM KAR LIYA HAI LIHAZA JALDI KARO AUR BAHUT JALD APNE QAFILE KO BACHANE KE LIYE HATHIYAR LEKER DOUD PADO...*
📕(ZURQANI, JILD-1, SAFA-411)
*⚱JUNG-E-BADR AUR ABU SUFIYAN KA BACHKAR NIKAL JANA...*
✨Abu Sufiyan Jab Aam Raste Se Mudkar Sahile Samundar Par Chal Pada Aur Khatre Maqamat se Bahoot Door Pahuch Gaya Aur Usko Apni Hifazat ka Pura Pura Itminan Ho Gaya to Usne Quraish ko Ek Tez Raftar Qasid ke Zariye Ek Khat bheja Ki Tum log Apne Apne Maal Aur Aadmiyo Ko Bachane ke liye Apne Apne gharo ko Lout Jao Kyonki Hum log Musalmano Ki Yalgaar Aur Lootmar Se Bach gae gai Aur Jaan-O-Maal ki Salamati Ke Sath hum Makkah Pahuch Rahe hai....
⚱JUNG-E-BADR AUR KUFFARE QURAISH KA JOSH....*
☄Jab Makkah me Maal e Tijarat ko Lootne ki Khabar Pahochi to Is Qadar Halchal Mach gai ki Makka Ka Sara Aman-O-Sukoon Garat ho Gaya Tamam Qabeele Quraish Apne Gharo se Nikal Pade Sardar Ne Makkah Me se Sirf Abu lahab Apni Beemari Ki Vajah Se Nahi Nikla Iske siwa Tamam Rausa-E-Quraish(Quraish Ke Raees)
Puri Trah Musallah Hokar Nikal Pade Aur Chunki Muqame Nakhlaza Ka Waqia Bilkul Hi Taza tha Jisme Amar Bin-ul-Hazarmi Musalmano ke Hatho Mara gaya tha Aur Uske Qafile ki Musalmano ne Loot liya tha....
✨Isi Liye Kuffare Quraish Josh-E-Intiqam me Bhot Zyada Aage Badh gae the 1000 Ka Lashkare Zarrar Jiska Har Sipahi Puri Trah Musallah Hathiyar ke Sath, Fouz ke Khane ka Ye Intizam tha ki Quraish ke Maaldar log Yani Abbas Bin Abdul Muttalib, Utba Bin Rbia, Haris Bin Aamir, Najar Bin-Ul Haris, Abu Jahal, Umaiyya Wagera Ek-Ek Karke Roz 10 Ount Zibah Karte the Aur Pure Lashkar Ko Khilate the Utba Bin Rbia Jo Quraish Ka Sabse Bada Raeese Aazam tha Is Pure Lashkar ka Sipahsalar Tha....
⚱JUNG-E-BADR AUR KUFFAR ME IKHTILAF....
☄Abu Sufiyan Ka Khatt Kuffare Makka ko Us Waqt mila Jab Wo Maqame *"HUZFA"* Me the Khat Padhkar Qabeela-E-Banu Zahra Aur Qabeela-E-Banu Adi Ke Sardaro ne Kaha Ki Ab Musalamano se Ladne ki Koi Zarurat nahi hai Lihaza Hum logo ko Vapas Lout Jana Chahiye....
✨Ye Bat Sunkar Abu Jahal Bigad Gaya Aur Kehne laga Ki Khuda ki Kasam Hum Isi Shaan ke Sath Badr Tak Jaenge Waha Ount Zibah Karenge Khoob Khaenge Khilaenge, Sharab Pienge Nach-Rang ki Mehfil Jamaenge Taki Tamam Qabaile Arab Par Humari Azmat Wa Shouqat Ka Sikka Beth Jae Aur wo Hamesha Humse Darte Rahe...
☄Kuffare Makka ne Abu Jahal ki Is Baat par Amal kiya Lekin Banu Zahra Aur Banu Aadi Ke Dono Qabeele Vapas Lout Gae In Dono Qabeelo ke Siwa Baki Kuffare Makka Ke Tamam Qabeele Jung-E-Badr me Shameel hue...
*📗(Seerat-e-Ibne Hisham, Jild-2, Safa-618)
Bazm E Qadri Group
For More Latest Updates Subscribe
बज़्म ए क़दरी को सब्सक्राइब 🔔 करे और देखे इस्लामिक विडियो सबसे पहले www.indiaaulias.blogspot.in https://www.facebook.com/bazmeqadriof... https://www.youtube.com/bazmeqadrioff... https://www.instagram.com/bazmeqadrio... Bazmeqadriofficial@gmail.com⚱JUNG-E-BADR AUR KUFFARE QURAISH BADR ME...*
☄Kuffare Quraish Chunki Musalmano se Pehle Badr me Pahuch Gae the Is liye Munasib Jagah par Unlogo ne Apna Kabza Jama liya tha Huzur ﷺ Jab Badr Ke Qareeb Pahoche To Shaam Ke Waqt Hazrate Ali, Hazrate Zubair, Hazrate Saa'ad Bin Abi Waqqas رضي الله عنهم Ko Badr ki Taraf Bheja Taki Ye log Kuffare Quraish ke Bare me Khabar lae....
✨In Hazraat Ne Quraish ke 2 Gualamo ko Pakad liya Jo Lashkare Quraish Ke liye Pani Bharne Par Muqarrar the Huzur ﷺ Ne Un dono Gulamo se Daryaft Farmaya ki Batao Is Quraishi Fouz me Quraish ke Sardaro Me se Koun Koun Hai ???
☄To Dono Gulamo ne Bataya ki *Utba Bin Rbia, Sheba Bin Rbia, Abul Bakhtari Hakim Bin Hajam, Noufan Bin Khuwelad, Harish bin Aamir, Najar Bin-Ul-Harish, Jam'aa Bin Aswad, Abu Jahal,* Aur Bhi bhot se Sardar Moujud Hai...
✨Ye Baat Sunkar Huzur ﷺ Apne Sahaba Ki Taraf Mutawajjah Hue Aur Farmaya ki Sun lo...
*🏵"MAKKAH NE APNE JIGAR KE TUKDO KO TUMHARI TARAF DAAL DIYA HAI"*
*📗(Muslim Sharif, Jild-2, safa-102 Gazwa-E-Badr Zurqani Wagera)*
⚱TAAJDARE DO AALAM ﷺ MEDAN-E-BADR ME....*
☄Huzur ﷺ Ne Jab Badr Me Nuzool Farmaya To esi Jagah Padaw Dala Ki Jaha na koi Kuwa tha Na Chasma Aur Waha ki Zameen Itni Retili thi Ki Ghodo Ke pau Zameen Me Dhaste The ye Dekhkar Hazrate Hubaba Bin Munzir رضي الله تعالي عنه Ne Arz kiya Ya Rasooallah! ﷺ Ne Padaw Ke Liya Jis Zameen Ko Mukhatab Farmaya Hai Ye Wahi ki Roo Se Hai Ya Fouzi Tadbeer hai.???
✨Aapne Farmaya Ki Iske Bare me koi Wahi na Utri Hai Hazrate Habbab Bin Munzir رضي الله تعالي عنه Ne Arz Kiya ki Meri Raay Me Jungi Tadbeer Ki Roo se Behter Ye hai ki Hum kuch Aage Badhkar Pani ke Chashmo Par Qabza Kar le....
☄Taki Kuffar Jin Kuwo par Qabiz hai Wo Bekar ho jae Kyonki Inhi Chashmo par se Un Kuwo me Pani Jata hai Huzur ﷺ Ne Unki Raay ko Pasand Farmaya Aur isi Par Amal kiya Gaya Khuda ki Shaan Ki Barish bhi ho gai Jisse Medan ki Dard aur Ret Jamm gai Jispar Musalmano ke liye chalna firna Aasan Ho gaya Aur Kuffar ki Zameen Par Kichad Ho gaya Jisse unko Chalne Firne Me Dushwari ho Gai Aur Musalmano ne Barish ka Pani Rok Kar Ja-Baja Houz Bana liya Taki ye Pani Gusl Aur Wuzu Ke kaam Aaye Isi Ehsan ko Allah ﷻ Ne Quran Me is Trah Bayan Farmaya Ki..
*⏬Tarjuma:-*
🔮Aur Khuda Ne Aasman Se Pani Barsa Diya Taki Wo tum logo ko Paak Kare..
*📓(Sureh Anfal)*
⚱SARWARE QAYNAT ﷺ KI SHAB BEDARI....*
☄17 Ramzan San 2 Hijri Jumma Ki Raat thi Tamam Fouz To Aaram Wa chen ki Neend So Rahi Thi Magar Sarware Qaynat ﷺ Ki Zaat Thi jo Puri Raat Allah ﷻ Se Louw Lagaye Dua Me Mashroof Thi...
✨Subha Ho Gai to Aapne logo ko Namaz ke liye Bedar Farmaya Fir Namaz Ke Bad Quran ki Ayate Jihad Sunakar Esa Larza-Khez Aur WalWala Angez Bayan Farmaya ki Mujahiddeene Islam Ki Rago ke khoon Ka Qatra-Qatra Josh-o-Kharosh Ka Samundar Bankar Tufani Mouje Marne Laga Aur Log Medane Jung ke liye Taiyar Hone lage....
*⚱KOUN KAB?
AUR KAHA MAREGA??*
☄Us Raat hi Kuch Jaa-Nisaro Ke Sath Aapne Medane Jung ka Muayna Kiya Us Waqt Apke Daste Mubarak me Ek Chadi thi Aur Usi Chadi se Zameen par Lakeer Banate the Aur Ye Farmate jate the Ki Ye Fula Kafir ke Qatl Hone ki Jagah hai Aur Kal Yaha Fula Kafir ki Lash Padi hui milegi Chunache esa hi hua Ki Apne Jis Jagah Jis Kafir ki Qatl Gaah Batai thi Us Kafir Ki Lash Theek Usi Jagah Pai Gai Usme se Kisi ek ne Lakeer se Baal Barabar bhi Tazawuz Nahi Kiya....
*📗(Abu-Dawood, Jild-2, Safa-364, Mat'av Naami Wa Muslim, Jild-2, Safa-102, Gazwa-E-Badr)*
*✨Is Hadees Se Saaf Aur Shareeh Tor par Ye Mas'ala Sabit ho Jata hai Ki Koun Kab ?
Aur Kaha Marega?
In Dono Gaib ki Bato ka Ilm Allah Taa'la Ne Apne Habib Huzur ﷺ Ko Ata Farmaya tha......*
*🌹KAHA MARENGE ABU JAHAL, UTBA AUR SHEYBA..*
*🌹JUNG-E-BADR KA NAKSHA HUZUR JANTE HAI....*
⚱JUNG-E-BADR ME LADAI TALTE-TALTE FIR JAMM GAI....*
☄Kuffare Quraish Ladne ke liye Betaab The Lekin Un Logo me Kuch Suljhe Dilo-Dimag Ke log the Jo Khoon-Rezi ko Pasand Nahi Karte the...
✨Chunache Haqim Bin Hazam Jo bad me Musalman ho Gae Jo bhot hi Narm Aur Sanjida The Unhone Apne Lashkar Ke Sipah-Salar Utba Bin Rbiya se Kaha Ki Aakhir Is Khoon-Rezi Se Kya Fayda ??
Me Aap Ko Ek Nihayat hi Mukhlisana Mashwara Deta hu Wo Quraish ko Jo Kuch Mutalba Hai Wo Amar Bin Hajrami ka Khoon hai Aur Wo Aap Ka Halif Hai Ki Aap Uska Khoon-Baha Ada Kijiye Is Trah Ladai Tal Jaegi...
☄Aur Aaj Ka Din Apki Tarikhe Zindagi me Apki Nek-Nami Ki Yaad Gaar Ban Jaega Ki Aap Be Tadabbur se Ek Bahot Hi Khoufnaak Aur Khoon-Rez Ladai Tall Gai Utba Ba-Zate Khud Bahut hi Mudabbir Aur Nek-Nafs Aadmi tha Usne Ba-Khushi Is Mukhkisana Mashware ko Qabool Kar liya Magar Is Muammle me Abu Jahal ki Manzoori bhi Behad Zaruri thi...
✨Chunache Hakim Bin Hazam Jab Utba Bin Rabeea Ka Ye Paigam Leker Abu Jahal ke Pas Gaye to Abu Jahal ki Range Jahalat Bhadak Uthi Aur Usne Ek Khoon Khola dene Wala Taa'na Mara Kaha ki..
🏵HA ME KHOOB SAMAJTA HU KI UTBA KI HIMMAT NE JAWAB DE DIYA KYUNKI USKA BETA HUZAIFA MUSALMAN HOKAR ISLAMI LASHKAR KE SATH AAYA HAI ISI LIYE WO JUNG SE JEE CHUDATA HAI TAKI USKE BETE PAR KOI AANCH NA AAYE....
☄Abu Jahal ne Uspar Bas nahi kiya Balki Amar Bin Hajrami Maqtool Ke Bhai Aameer Bin Hajrami Ko Bulakar Kaha ki dekho Amar Bin Hajrami ke Khoon ka Badla Lene ki Sari Sceam Tahas Nahas Hui Ja rahi hai Kyonki Laskar ke Sipah-Salar Utba Buzdili Jahir Kar raha hai...
✨Ye Sunte hi Ameer bin Hajrami Ne Arab ke Mutabik Apne Kapde Faad dale Aur Apne Ser pe Dhool Dalte hue "WA-AA-WA-AA- MARRAH" Ka Nara Marna Shuru kiya Is Karwai ne Kuffare Quraish ki Sari Fouz me Aag Laga di Aur Sara Lashkar Khoon ka Badla Khoon Ke Naaro se Goonjne Laga Aur Har sipahi Josh me Aape Se bahar Hokar Jung Ke liye Betab wa Bekarar ho gaya...
☄Utba ne Abu-Jahal ka Taa'na Suna to Gusse se Bhar gaya Aur Kehne Laga ki Abu-Jahal se Keh do ki Medane Jung Bataega ki Buzdil Koun hai ??
Ye Kehkar Lohe ki Topi Talab ki Magar uska Ser Itna Bada tha ki Koi Topi Uske ser per Theek nahi bethi To Majburan Usne Apne Ser pe Kapda Lapeta Aur Hathiyar Pehenkar Jung ke liye Taiyyar ho gaya....
⚱JUNG-E-BADR AUR MUJAHIDDIN KI SAFF-AARAI....*
☄17 Ramzan 2 Hijri Jumma Ke din Huzur ﷺ Ne Mujahiddin e Islam Ko Saff-Bandi Ka Huqm diya Daste Mubarak Me Ek Chadi thi Uske Ishare se Aap Safe Durust Farma Rahe the Ki koi Saksh Aage Piche Na Rehne Paye Aur Ayen Ese Waqt Me ki Jung ka Nakkara Bajne Wala Hai Do Ese Waqiyat Darpesh Ho gaye Jo Nihayat hi Ibrat-Khez Aur Bahut Zyada Nasihat Aamez Hai....
*⚱JUNG-E-BADR AUR SHIQME MUBARAK KA BOSA....*
✨Huzur ﷺ Apni Chadi ke Ishare se Safe Sidhi Farma Rahe the To aapne Dekha ki Hazrate Sawad Ansari رضي الله تعالي عنه Ka Pet Saff se Kuch Aage Nikla Hua tha Aapne Apni Chadi se Unke pet par Ek Kocha deker Farmaya ki...
*🏵"ISTAWDI YA SAWADU"*
(Aye Sawad Sidhe Khade ho Jao) Hazrate Sawad رضي الله تعالي عنه Ne Arz Kiya Ya Rasooallah ﷺ Apne Mere Shiqam Par Chadi Mari hai Muje apse iska Badla lena hai Ye Sunkar Aapne Apna Peshan Sharif Uthakar Farmaya Ki Aye Sawad Lo Mera shikam Hazir hai Tum ispar Chadi Markar Apna Badla le lo...
☄Hazrate Sawad رضي الله تعالي عنه Ne Doud kar Apke Shikam Mubarak ko *"CHOOM"* Liya aur fir Nihayat hi Walihana Andaz me Intihai Garmzoshi ke Sath Apke Jisme Aqdas se Lipat gae Aapne Irshad Farmaya ki Aye Sawad Tumne esa kyo kiya ??
Arz kiya Yaa Rasooallah ! Me Is Waqt Jung ki Saff me Apna Ser Hatheli par Rakhkar Khada hu Shayad Mout ka Waqt Aya ho Is Waqt mere Dil me Is Tamanna Ne josh Mara ki Kash Marte Waqt Mera Badan Apke Jisme Athar Se Choo Jaye ...
✨Ye Sunkar Huzur ﷺ Ne Hazrate Sawad رضي الله تعالي عنه Ke Is Jazba-E-Muhabbat Ki Qadar Farmate Hue Unke liye Kher o Barqat ki Dua Farmai Aur Hazrate Sawad رضي الله تعالي عنه Ne Bargahe Risalat Me Maaz'rat Karte hue Apna Qisas Muaf Kar diya Aur Tamaam Sahaba-E-Qiram Hazrate Sawad رضي الله تعالي عنه Ki Is Ashiqana Ada ko Hairat Bhari Nazro Se Dekhte Hue Unka Moonh Takte Rahe....
*📗(Seerat-E-Ibne Hisham Gazwa-E-Badr, Jild-2,Safa-626)*
*⚱JUNG-E-BADR AUR AHAD KI PABANDI.....*
☄Ittifaq se Hazrate Huzaifa Bin Azayman Aur Hazrate Abu Hasil رضي الله عتهما Ye Dono Sahabi Kahin se Aa rahe the Raste me Kuffar Ne Un dono ko Roka ki Tum Dono Badr ke Medan me Laskare Islam ki Madad Ke liye Ja rahe ho Un Dono ne Inkar kiya Aur Jung Me Sharik Na hone ka Ahad Kiya Chunache Kuffar ne Un dono ko Chod diya....
✨Jab Wo dono Bargahe Risalat me Hazir Hue Aur Apna Waqia Bayan Kiya To Huzur ﷺ Ne Un dono Ko Ladai Ki Safo se Alag Kar diya Aur Irshad Farmaya Ki Hum Har Haal me Ahad ki Pabandi Karenge Humko Sirf Khuda ki Madad ki Zarurat Hai...
☄Nazreen-E-Ikram Gour kijiye Dunia Janti hai Ki Jung ke Mouke par Khususan Esi Surat me Jab ki Dushmano Ke Azeem-Ushshan Lashkar ka Muqabla Ho Ek-Ek Sipahi Kitna Qeemti Hota hai Magar Tajdare Do Aalam Huzur ﷺ Ne Apni Kamzor Fouz ko 2 Bahaddur Mujahido se Mehroom Rakhna Pasand Farmaya Magar koi Musalman Kisi Kafir se bhi Bad-Ahadi Aur Wada Kheelafi Karke Isko Gawara Nahi Farmaya...
✨Allahu Akbar....
Aye Aqwame Aalam ke Badshaho Lillah Mujhe Batao ki Kya Tumhari Tareekhe Zindagi ke Bade Bade Daftaro ke Koi Esa Chamakta hua Waraq bhi Hai ???
☄Aye Chand Wa Suraj Ki Door-Bi-Nigaho Tum Khuda ke liye Batao Kya tumhari Aankho ne Bhi Kabhi Safha-E-Hasti Par Pabandi-E-Ahad Ki Koi Esi Meesal Dekhi hai ??
Khuda ki Kasam mujhe Yaqeen hai Iske Jawab ne Naa Ke Siwa Kuch Nahi Keh Sakte.....
⚱JUNG-E-BADR AUR DONO LASHKAR AAMNE SAMNE....*
☄Ab Waqt Hai Ki Medane Badr me Haq wa Batil Ki Dono Safe Ek Dusre ke Samne Khadi hai Quran Elaan Kar raha hai...
↪Tarjuma:-
🏵Jo Log Baham Lade Unme Tumhare Liye Ibrat Ka Nishan hai Ek Khuda ki Raah me Lad Raha tha Aur Dusra Munkeere Khuda Tha...
📓(Sureh Aale Imran)
✨Huzur ﷺ Mujahiddine Islam ki Saff-Bandi se Farigh Hokar Mujahiddin ki Karardad Ke Mutabiq Apni Us Chappar me Tashrif le Gae Jisko Sahaba e Kiraam ne Apki Hifazat ke Liye Bana Rakha tha...
☄Ab Us Chappar ki Hifazat ka Sawal Behad Aham tha Kyonki Kuffare Makkah Ke Hamlo Ka Asal Nishana Huzur ﷺ Ki Hi Zaat e Aqdas thi Kisi ki Himmat Nahi Padti thi Ki Us Chappar Ka Pehra De lekin Is Mouke Par bhi Apke Yaar-E-Gaar Hazrate Siddiq رضي الله تعالي عنه Ki Qismat me Ye Saa'dat Likhi Thi Ki Wo Nangi Talwar Leker Us Jhopdi Ke pas Datte Rahe Aur Hazrate Saa'ad Bin Muaz رضي الله تعالي عنه bhi Chand Ansariyo Ke Sath Us Chappar ke Gird Pehra Dete rahe....
*⚱JUNG-E-BADR AUR DUA E NABAWI....*
✨Huzur Sarware Aalam ﷺ Is Nazuk Ghadi me Janabe Bari Me Lage hue Giryazari Ke Sath Khade hokar Hath Felae Dua Mang Rahe the...
🏵KHUDA WANDA ! TUNE MUJHSE JO WADA FARMAYA HAI AAJ USE PURA FARMA DE...
☄Aap Is Qadar Riqqat Aur Mehviyat Tari thi Ki Josh e Girya me Chadar Mubarak Doshe Anwar se Gir-Gir Padti thi Magar Aap Ko Khabar nahi hoti thi Kabhi aap Sajde me Ser Rakh Kar is trah dua mangte...
🏵ILAHI AGAR YE KUCH NUFUS HALAK HO GAE TO FIR QAYAMAT TAK ROO-E-ZAMEEN PAR TERI IBADAT KARNE WALE NA RAHENGE....
✨Hazrate Abu Bakr Siddiq رضي الله تعالي عنه Apke Yaar e Gaar the Apko Is Trah se Be-Karar Dekh kar Unke dil ka Sukoon o Karar Jata raha Aur un Par Ruqqat Tari Ho Gai Aur Unhone Chadar e Mubarak ko Utha kar Apke Muqaddas Kandhe Par Dali Aur Apka Dast Mubarak Thamkar Bharai Hui Aawaz me Bade Adab ke Sath Arz kiya ki *"Huzur Ab Bas kijiye Khuda Zarur Apna Wada pura Farmaega....*
☄Apne Yaar-E-Gaar Siddiq Jaa-Nisar ki Baat Mankar Apne Dua Khatm Kar di Aur Apki Zabane Mubarak Par Is Ayat ka Wird Jari ho gaya...
↪Tarjuma:-
🏵Anqareeb (Kuffar ki) Fouz Ko Shikasht De di Jaegi Aur wo Pith Fer ke Bhag Jaenge...
📓(SUREH QAMAR)
✨Aap Is Ayat ko Baar Baar Padhte Rahe Jisme Fateh Mubeen ki Basharat Ki Taraf Isahara Tha....
⚱JUNG-E-BADR ME LADAYI KIS TRAH SHURU HUI...*
☄Jung Ki Ibteda Is Tarah Hui Ki Sab Se Pehle Aamir Bin-Ul-Haris Hajrami Jo Apne Maqtool bhai Amar Bin-Ul-Hajrami ke Khoon ka Badla Lene ke liye Be-Karar Tha Jung ke Liye Aage Badha Uske Muqable ke Liye Hazrate Umar رضي الله تعالي عنه ke Gulam Hazrate Muhajja رضي الله تعالي عنه Medan me Nikle Aur Ladte hue Shahadat Me Sarfaraz ho gae...
✨Fir Hazrate Harisa Bin Suraqa Ansari رضي الله تعالي عنه Houz se Pani Pee Rahe the Ki Naagha Unko Kuffar Ka ek Teer Laga Aur wo Shaheed ho gae....
*⚱JUNG-E-BADR ME HAZRATE UMAIR KA SHOUQ E SAHADAT....*
☄Huzur-E-Aqdas ﷺ Ne Jab Joshe Jihad Ka Elan Farmate Hue Irshad Farmaya ki Musalmano Us Jannat ki Taraf Badhe Chalo Jiski Chorayi Aasman Aur Zameen Ke Barabar hai....
✨To Hazrate Umair Bin Hamam Ansari رضي الله تعالي عنه Bol Uthe Ki Yaa Rasooallah ﷺ Kya Jannat ki Chorayi Zameen Wa Aasman ke Ke Barabar hai ??
Irshad Farmaya ki "HAAN" Ye Sunkar Hazrate Umair رضي الله تعالي عنه Ne Kaha "WAH-WAH"
Aap Daryaft Farmaya ki Kya ek Umair Tumne "WAH-WAH" Kis liye kaha ?
☄Arz kiya ki Yaa Rasooallah ﷺ Faqat Is Ummed par ki Me bhi Jannat Me Dakhil ho jau...
✨Aapne Khush Khabri Sunate Hue Irshad Farmaya ki Aye Umair !
Tu Beshak Jannati hai Hazrate Umair رضي الله تعالي عنه Us Waqt Khazure Kha rahe the Ye Basharat Suni to Mare Khushi ke Khazure Fenk kar Khade ho Gae Aur Ek Dum Kuffare Quraish Par Talwar Leker Toot Pade Aur Jaa-Bazi Ke Sath Ladte Hue Shaheed Ho gae...
*📚(Muslim Kitab-ul-Jihad Baab Suqute Farzil Jihad Anil Maazurin, Jild-2,Safa-129)*
⚱JUNG-E-BADR ME KUFFAR KA SIPAH-SALAR MARA GAYA....*
☄Kuffar ka Sipah-Salar Utba Bin Rabeea Apne Seene Par Shutur-Murg ka Ser Lagae Hue Apne bhai Shaiba Bin Rabeea Aur Apne Bete Waleed Bin Utba ko Sath leker Gusse se Bhara hua Apni Saff Se Nikal kar Muqabla Ki Dawat Dene laga Islami Saff me se Hazrate Aouf wa Hazrate Muaal Wa Abdullah Bin Rawaha رضي الله تعالي عنه Muqable ko Nikle Utba ne Un logo se Naam Wa Nasab Pucha Jab Maloom hua ki Ye log Ansari Hai to Utba Ne Kaha ki Hume Tum logo se Koi Garaz Nahi Fir Utba Ne Chillakar Kaha ki
✨Aye Muhammad( ﷺ) Ye Log Humare Jod ke Nahi hai Ashrafe Quraish ko Ladne ke liye Medan me Bhejiye Huzur ﷺ Ne Hazrate Hamza wa Hazrate Ali wa Hazrate Ubaida رضي الله عنهم Ko Huqm diya ki Aap Log In Teeno ke Muqable ke liye Nikle...
☄Chunache Ye Teeno Bahaddurane Islam Medan me Nikle Chuki Ye Teeno Hazraat Ser Khoud Pehne hue the Jisse unkd Chehre Chup Gae the Isi liye Utba ne In Hazrat ko Pucha Ki tum log Koun ho Teeno ne Apna naam Wa Nasab Batae To utba ne Kaha ki Haan Ab Humara Jod hai Jab Un logo me Jung Shuru hui To Hazrate Hamza Wa Hazrate Ali Wa Hazrate Ubaida رضي الله عنهم Ne Apne Shuja'at ka Esa Mujahra kiya ki Badr ki Zameen Dahal gai Aur Kuffar ke Dil Tharra Gae Aur unki Jung ka Anjam Ye hua ki Hazrate Hamza رضي الله تعالي عنه Ne Apni Talwar ke Waar Maar-Maar Kar Utba Ko Zameen Par Dher Kar diya....
✨Waleed ne Hazrate Ali رضي الله تعالي عنه Se jung ki Dono Ne Ek Dusre par Qateelana Hamla kiya Aur Khoob Lade Lekin Asadullahil Galeeb Ki Zulfiqar ne Waleed ko Maar Giraya Aur Wo Zillat ke Sath Qatl Kar diya gaya Magar Utba ke Bhai Sheba ne Hazrate Ubaid رضي الله تعالي عنه Ko Is Kadar Zakhmi Kar diya ki Wo Zakhmo ki Taab Na Lakar Zameen Par Beth Gae Ye Manzar Dekh kar Hazrate Ali رضي الله تعالي عنه Ko Apne Kandhe par Uthakar Bargahe Risalat me Lae..
☄Unki Pindli Toot kar Choor-Choor ho Gai Thi Aur Nalli Ka Guda Beh raha tha Is Halat me Arz kiya ki Yaa Rasooallah Kya me Shahdat se Mehroom Raha ???
✨Irshad Farmaya ki Nahi Hargiz Nahi Balki Tum Shahdat Se Sarfaraz Ho gae Hazrate Ubaida رضي الله تعالي عنه Ne kaha ki Ya Rasooallah Agar Aaj mere Aur Aap Ke Chacha Abu Talib Zinda Hote To Wo Maan lete ki Unke is Sher ka Misdaq me hu ki..
*🏵"YANI HUM MUHAMMAD ﷺ KO US WAQT DUSHMANO KE HAWALE KARENGE JAB HUM UNKE GIRD LAD-LAD KAR PACHAD DIE JAENGE AUR HUM BETO AUR BIWIYO KO BHOOL JAENGE....*
*📗(ABU DAWOOD, JILD-2, SAFA-361, ATBAA NAAMI WA ZURQANI ALAL MAWAHIB, JILD-1, SAFA-418)*
⚱JUNG-E-BADR ME HAZRATE ZUBAIR KI TARIKHI BARCHI.....*
☄Iske Baad Saeed Bin Aas Ka beta "UBAID" Ser Se Pero Tak lohe ka Libaas Aur Hathiyaro Se Chupa hua Saff se Bahar Nikla Aur Ye Kehkar Islami Lashkar ko Lalkarne Laga ki Me Abu Karash Hu....
✨Uski Ye Maghruran Lalkar Sunkar Huzur ﷺ Ke Fufi-Zaad Bhai Hazrate Zubair Bin-ul Awwam رضي الله تعالي عنه Josh Bhare hue Apni Barchi Leker Muqable ke Liye Nikle Magar Ye dekha ki Uski Dono Aankho Ke siwa Uske Badan ka Koi Hissa Esa nahi tha Jo Lohe se Chupa hua Na ho Hazrate Zubair رضي الله تعالي عنه Ne Taak kar Aankh me Is Zor se Barchi Mari ki wo Zinn Hokar Gir Para Aur Mar gaya....
☄Barchi Uski Aankh ko Chedti Hui Khopdi ki Haddi Tak Chubh Gai Thi Hazrate Zubair رضي الله تعالي عنه Ne Jab Uski Lash Par Pau Rakhkar Puri Takat Se Kheecha To Badi Mushkil se Barchi Nikli Lekin Uska Ser Mudkar Khatm Ho gaya...
✨Barchi Ek Tarikhi Yaadgaar Bankar Barso Tak Tabarruk Bani Rahi Huzur ﷺ Ne Hazrate Zubair رضي الله تعالي عنه Se Ye Barchi Talab Farma li Aur Usko Hamesha Apne Pas Rakha Fir Huzur ﷺ Ke Bad Barchi Khulfa-E-Rasheedin Ke Pas Muntaqil Rahi Fir Hazrate Zubair رضي الله تعالي عنه Ke Farzand Hazrate Abdullah رضي الله تعالي عنه Ke pas Aai Yaha Tak ki 73 Hijri me Jab Banu Umaiyya Ke Qabze me Chali Gai Fir Iske Bad Laa'pata Ho gai....
⚱JUNG-E-BADR ME ABUL BAKHTARI KA QATL...*
☄Huzur ﷺ Ne Jung Shuru Hone Se pehle hi Farma Diya tha ki Kuch Log Kuffare Quraish Ke Lashkar me Ese Bhi hai Jinko Kuffare Makka Dabaw me Daalkar Lae hai Ese Logo ko Qatl Nahi Karna Chahiye In logo ke Naam bhi Huzur ﷺ Ne Bata Diye Unhi Logo me se Abul Bakhtari bhi tha jo Apni Khushi Se Musalman Se Ladne ke liye Nahi Aaya tha Balki Kuffare Makka Dabaw me Daalkar Zabardasti Karke Laye the....
✨Jung ki Halat me Hazrate Muzzir Bin Ziyad رضي الله تعالي عنه Ki Nazar Abul Bakhtari Par Padi Jo Apne Ek Gehre Dost Junadah Bin Maliha ke Sath Ghode par Sawar Tha Hazrate Muzzir رضي الله تعالي عنه Ne Farmaya ki Aye Abul Bakhtari Huzur ﷺ Ne Hum logo ko Tere Qatl Se Mana Farmaya hai Isi Liye Me tujhe Chod deta hu....
☄Abul Bakhtari ne Kaha Ki Mere Sathi Junadah Ke Bare me Tum Kya kehte ho ???
To Hazrate Muzzir رضي الله تعالي عنه Ne Saaf-Saaf Keh Diya Ki Isko Hum Zinda Nahi Chod Sakte...
✨Ye Sunkar Abul Bakhtari Josh me Aa gaya Aur Kaha ki Me Arab ki Aurto ka Ye Taa'na Nahi Sun Sakta ki Abul Bakhtari ne Apni Jaan Bachane ke liye Apne Sathi ko Tanha Chod diya fir Abul Bakhtari ne Ek Sher Padha Ki....
*🏵EK SHARIF ZADA APNE SATHI KO KABHI HARGIZ NAHI CHOD SAKTA JAB TAK MAR NA JAE YA APNA RASTA NA DEKH LE.....*
☄Iske Bad Abul Bakhtari ko Qatl Kar diya gaya....
⚱JUNG-E-BADR ME UMAIYYA KI HALAQAT...*
☄Umaiyya Bin Khalaf Bahut hi Bada Dushmane Rasool tha Junge Badr Me Jab Kufr Wa Islam Ke Dono Lashkar Guttham-Guttha Ho Gae To Umaiyya Apne Talluk Ki Beena Par Hazrat Abdurrehman Bin Aouf رضي الله تعالي عنه Se Chipak Gaya Ki Meri Jaan Bacha Lijiye...
✨Abdurrehman Bin Aouf رضي الله تعالي عنه Ko Reham Aa Gaya Aur Apne chaha ki Umaiyya Bachkar Nikal Bhage Magar Hazrate Bilal رضي الله تعالي عنه Ne Jab Umaiyya Ko Dekh Liya To Hazrate Bilal رضي الله تعالي عنه Jo Umaiyya ke Gulam The Aur Umaiyya ne Unhe bahut Zyada Sataya tha Isliye Joshe Intiqam Me Hazrate Bilal رضي الله تعالي عنه Ne Ansar ko Pukara Ansari log Daf'atan Toot Pade....
☄Hazrate Abdurrehman Bin Aouf رضي الله تعالي عنه Ne Umaiyya Se kaha ki Tum Zameen Par Let Jao Wo Let gaya To Hazrate Abdurrehman Bin
Aouf رضي الله تعالي عنه Usko Bachane ke liye Uske upar Letkar Usko Chupane Lage...
✨Lekin Hazrate Bilal Aur Ansar رضي الله عنهم Ne Uski Tango Ke Andar Hath Daalkar Aur Bagal Se Talwar Ghop Ghop Kar use Qatl Kar diya....
*📕(Bukhari, Jild-1, Safa-308, Baabu Iza Waqqal Muslim Hariban)*
⚱JUNG-E-BADR ME FARISHTO KI FOUZ...
☄Jung-E-Badr Me Allah ﷻ Ne Musalmano ki Madad ke Liye Aasman Se Farishto ka Lashkar Utaar Diya tha Pehle Ek Hazar Farishte aaye Fir 3 Hazar Ho Gae Fir Iske Bad 5 Hazar ho Gae...
📓(Sureh Aale Imran wa Anfal)
✨Jab Khub Ghamasan Ka Rann Pada To Farishte Kisi ko Nazar Nahi Aate the Magar Unki Harb-Wa-Zarb Ke Asrat Saaf Nazar Aate the Baa'az Kafiro ki Naak Aur Munh par Kodo ki Maar ke Nishan Paye Jate the Kahin Bagair Talwar Mare Ser Kat Kar Girta Nazar Aata tha Ye Aasman Se Aane Wale Farishto ki Fouz ke Karname the...
⚱JUNG-E-BADR ME KUFFAR NE HATHIYAR DAAL DIYE...
☄Utba,Sheba,Abu Jahal Wagera Kuffar Quraish Ke Sardaro Ki Halaqat se Kuffare Quraish Ki Kamar Toot Gai Aur Unke Pau Ukhad Gae Aur Hathiyar Daal Kar Bhaag Khade hue Aur Musalmano Ne Un logo ko Giraftaar Karna Shuru Kar diya...
✨Is Jung me Kuffar ke 70 Aadmi Qatl Aur 70 Guraftaar Hue Baki Sab Apna Maal-Saman Chod kar Farar ho gae Is Jung me Kuffare Makka ko Esi Zabardast Shikast Hui ki Unki Askari Taqat Fana ho gai....
☄Kuffare Makka ke Bade-Bade Naamdar Sardar jo Bahaduri Aur Fanne Sipah-Giri me Yaqta-E-Rozgaar Tha Ek-Ek Karke Sab Mout Ke Ghaat Utaar Diye Gae...
✨In Naam Daro Me *"UTBA,SHEIBA,ABU-JAHAL,ABUL BAKHTARI,JAM'AA,AAS BIN HISHAM,UMAIYYA BIN KHALAF, MUNABBAH BIN HAZZAZ,UKBA BIN ABI MUEET,NAZAR BIN HARIS"* Wagera Quraish Ke Sartaz The Ye Sab Mare Gae....
🏵FATEH BADR BHOT BHOT MUBARAK.....
⚱JUNG-E-BADR KE BAAD KUFFAR KI LASHO SE KHEETAB....*
☄Jab Kuffar ki Lashe Badr Ke Ghadde Me Daal di gai To Huzur ﷺ Ne Us Ghadde ke Kinare Khade Hokar Maqtuleen Ka Naam Leker Is Trah Puakara Ki "Aye Utba Bin Rabeea Aye Fula Bin Fula!
Kya Tum Logo ne Apne Rabb ke Wade ko Saccha paya ??
✨Humne to Humare Rabb ke Wade ko Bilkul Theek Theek Sach Paya Hazrate Umar Farook رضي الله تعالي عنه Ne Jab Dekha Ki Huzur ﷺ Kuffar ki Lasho se Kheetab Kar rahe hai To Unko Bada Tajjub Hua Chunache Unhone Arz kiya Ya Rasooallahﷺ Kya aap In Be Rooh ke Jismo se Kalaam Farma Rahe hai ???
☄Ye Sunkar Huzur ﷺ Ne Irshad Farmaya Ki Aye Umar Kasam Khuda ki Jiske Qabze me Meri Jaan hai Ki
Tum (Zinda Log) Meri Baat ko Inse Zyada Nahi Sun Sakte Lekin Itni Baat hai ki Ye Murde Jawab Nahi De Sakte....
*📕(Bukhari,Jild-01, Safa-183, Baab Jaa Fi Azabal Qabr)*
*📗(Bukhari Jild-2,Safa-566)*
⚱ZARURI TAMBEEH....
☄Bukhari Wagerah Ki Hadees me Ye Masla Saaf Hota hai Ki Jab Kuffar Ke Murde Zindo ki Baat Sunte hai To Fir Momin Khususan "AULIYA,SOHDA,AMBIYA" Aleyhimussalam Wafat ke Bad Yaqeenan Hum Zindo Ka Salam-wa-Qalam Aur Humari Faryade Sunte hai...
✨Aur Huzur ﷺ Ne Jab Kuffar Ki Lasho Pukara To Khuda ke Bar-Guzida Bande Yani Waliyo,Shaheedo,Aur Nabiyo Ko Unki Wafat ke Baad Pukarna Bhala Kyo Nazaiz Aur Durust na Hoga Isi Liye to Huzur ﷺ Jab Madina ke Qabristan Me Tashrif Le Jate To Qabro ki Taraf Apna Rukh Karke Farmate ki...
*🏵ASSLAMU ALAYKUM YA AHLAL QUBURI YAHFIRULLAHU LANA WA LAKUM ANTUM SA-LA-FUNA WA NAHNU BIL ASRI...*
*📚(Miskat, Baab Ziyaratul Qubur)*
↪Tarjuma:-
✨Aye Qabr Walo Tum Par Salam ho Khuda Humari Aur Tumhari Magfirat Farmae Tum log Humse Pehle Chale Gae Aur hum Tumhare Baad Aane Wale hai....
☄Aur Huzur ﷺ Ne Apni Ummat ko bhi Yahi Huqm Diya Aur Sahaba Kiram ko Iski Taleem Dete the Ki tum log Qabro ki Ziyarat ke liye Jao To
*🏵"ASSALAMU ALAYKUM AHLAD DIYARI MINAL MUAMEENINA WAL MUSLIMINA WA INNA INSHA ALLAHU BI-KUM LALLA HIKNA NAS-ALULLAHA LANAR WA-LAKUMUL AAFI-YATA"*
*📚(MISKAT, BAAB, ZIYARATUL QUBUR, SAFA-154)*
✨In Hadeeso se Jahir Hua Ki Murde Zindo ka Salam Wa Qalam Sunte hai Warna Zahir hai Ki jo log Sunte hi Na ho Unko Salam Karne se Kya Hasil Hai???
⚱SOHDA-E-BADR....*
☄Junge Badr me Kull 14 Musalman Sahadat se Sarfaraz Hue Jinme 6 Muhajir Aur 8 Ansaar the....
✨Aur In Sohda-E-Badr me Se 13 Hazrat To Medane Badr me hi Madfun(Dafn) Hue Magar Hazrate Ubaida Bin Haris رضي الله تعالي عنه Ne Chunki Badr se Vapsi Par Manzil "SUFRA" Me Wafat Pai Isliye Unki Qabr Sharif Sufra Me Hai...
📕(Zurqani,Jild-1,Safa-415)
*⚱BADR KA GHADDA....*
☄Huzur ﷺ Ka Hamesha Ye Mamool Amal Raha Ki Jaha Kabhi Koi Lash Nazar Aati thi Aap use Dafan Karva Dete the Lekin Badr me Qatl Hone Wale Kuffar Jinki Taadat Bhot Zyada Thi Sabko Alag Alag Dafn Karna Ek Dushwar Kaam tha Is liye Tamaam Lasho ko Apne Ek Ghadde me Daal dene ka Huqm Diya...
✨Chunache Sahaba Kiram Ne Tamaam Lasho ko Ghaseet kar Ghadde me Daal diya Umaiyya Bin Khalaf ki Laash Fool Gai thi Jisko Ghaseetne par Uske Aaza Alag-Alag Hone Lage Is Liye Uski Lash Wahi Mitti me Daba di Gai....
*📗(Bukhari Kitab-ul-Magazi Baab Qatl Abu Jal,Jild-2,Safa-566)*
*⚱BADR KE MUJAHIDDIN KE FAZAIL...*
☄Jo Sahaba-E-Kiram Junge Badr Me Sharik Hue Wo Tamaam Sahaba Me Khushusi Sharf Ke Sath Mumtaz Hai Aur Un Khush Naseebo Ke Fazail Me Ek Bahut Hi Azeem-Usshan Fazilat Ye Hai ki In Saa'dat Mando Ke Bare me Huzur-e-Aqdas ﷺ Ne ye Farmaya ki...
*🏵BESHAK ALLAH TAA'LA AHLE BADR SE WAQIF HAI AUR UNSE YE FARMA DIYA HAI KI TUM AB JO AMAL CHAHE KARO BILA SHUBHA TUMHARE LIYE JANNAT WAJEEB HO CHUKI HAI....*
*📗(BUKHARI BAAB FAZAIL-E-BADRIN,JILD-2, SAFA-257)*
*⚱ABU-LAHAB KI KHOUF-NAAK MOUT....*
✨Abu Lahab Jung-e-Badr me Shameel Nahi Ho Saka Jab Kuffare Makka Shikast Kha kar Vapas Aae To Logo Ki Zabani Jung e Badr ke Halat Sunkar Abu-Lahab Ko Intihai Ranj-O-Malal Hua...
☄Uske Bad Hi Wo Badi Chechak Naam ki Beemari me Mubtila Hua Jisse Uske Tamaam Badan Sadd Gaya Aur 8 ve din Mar gaya Arab ke log Chechak ki Beemari se Bahut Darte the Aur Is Beemari Me Marne Wale ko Bhot hi Manhoos Samajte the Is Liye Uske Beto Ne bhi Uski Lash Ko Hath Nahi Lagaya...
✨Magar is Khayal se ki Log Ta'ana Denge To Ek Ghadda Khod Kar Lakdiyo Se Dhakelte Hue Le Gae Aur us Ghadde Me Girakar Upar se Mitti Daal di Aur Baa'az Mua'rrikhin ne Farmaya Ki Door Se logo ne Us Ghadde me Patthar Fenke Ki Uski Lash Chup Gai...
*📕(Zurqani, Jild-1, Safa-452)*
⚱JUNG-E-BADR KE KEDIYO ME HAZRATE ABBAS KA FIDIYA AUR HUZUR ﷺ KA ILM-E-GAIB....*
☄Ansar Ne Huzur ﷺ Se Darkhawast Arz Ki ke Ya Rasooallah ﷺ Hazrate Abbas Humare Bhanje hai Lihaza Hum Unka Fidiya Muaf Karte hai Lekin Apne Darkhwast Manzoor Nahi Farmai...
✨Hazrate Abbas Quraish Ke Un 10 Doulat Mand Raeeso me Se the Jinhone Lashkare Kuffar ke Rashan ki Zimmedari Apne Ser Li thi Is Garaz KE liye Hazrate Abbas Ke Pas 20 Uqiya Sona Tha Chunki Fouz ko Khana Khilane Me Abhi Hazrate Abbas Ki Bari Nahi aayi thi Isi Liye wo Sona Abhi Tak Unke Pas Mehfooz Tha....
☄Us Sone Ko Huzur ﷺ Ne Maal-E-Ghanimat Me Shameel Kar liya tha Aur Hazrate Abbas Se Mutalba Farmaya ki Woh Apna Aur Apne Dono Bhatije *"AQEEL BIN TALEEB AUR NOUFAL BIN HARIS"* Aur Apne Haleef Umar Bin Zidham In 4 Saksho Ka Fidya Ada kare....
✨Hazrate Abbas ne Kaha ki mere Pas koi Maal Nahi hai Me Kaha se Fidiya Ada karu Ye Baat Sunkar Huzur Sallahu Alayhi Wasallam Ne Farmaya Ki Chacha Jaan...
*🏵APKA WOH MAAL KAHA HAI JO APNE JUNG-E-BADR KE LIYE RAWANA HOTE WAQT APNI BIWI "UMMUL FAZAL" KO DIYA THA AUR YE KAHA THA KI ME AGAR IS LADAI ME MARA JAU TO US ME ITNA-ITNA MAAL MERE DONO LADKO KO DE DENA...*
*➡(DALEEL-E-ILM E GAIB MULAHIZA FARMAIYE)*⤵
☀Ye Bat Sunkar Hazrate Abbas Ne Kaha ki *"KASAM US KHUDA KI JISNE APKO HAQ KE SATH BHEJA KI YAQEENAN AAP ALLAH KE RASOOL HAI KYONKI IS MAAL KI KHABAR MERE AUR MERI BIWI "UMMUL FAZAL" KE ALAWA KISI KO NAHI THI"* Chunache Haleef ka Fidiya Ada Karke Riha Hasil Ki Fir Bad me Hazrate Abbas Aur Hazrate Aqeel Aur Hazrate Noufal رضي الله عنهم Teeno Musharraf-Ba-Islam Ho gae...
*📗(Madarij-un-Nabuwwah, Jild-2, Safa-97)*
*📗(Zurqani, Jild-2, Safa-447)*
